Argaia cosmética ecolóxica

ArGaia é un obrador artesán de produtos cosméticos ecolóxicos a base de plantas medicinais con sede en Galiza.

Este proxecto xurde do amor polas plantas unido á miña formación en Química. Cansada de ler os ingredientes dos produtos cosméticos e sentirme arrepiada con algúns dos seus compoñentes, decidín crear unha marca propia de elaboración artesá, con plantas da natureza galega que eu mesma cultivo nun val situado entre a montaña e a costa lucenses.

Inda que a algúns lles pareza imposible, pódese obter unha cosmética de calidade e libre de tóxicos empregando únicamente os ingredientes que nos ofrece a natureza.

Despois duns anos probando e modificando fórmulas, estou encantada de vos presentar a Cosmética Ecolóxica ArGaia.

Mais isto non é a fin, senón o punto de partida. En Argaia seguimos a crecer e a investigar sobre as plantas e os seus beneficios para a nosa pel e cabelo, co obxectivo de aumentar pouco a a pouco a oferta do noso catálogo de elaboracións propias.

Deixemos que a natureza nos aloumiñe.